仲記得喺立法會表決高鐵撥款一役，一班「80後」包圍立法會大樓，搞到成班建制派議員要喺警方築成人鏈下，落地鐵走人，期間「IQ博士」黃宜弘仲中頭獎，畀膠樽掟中。
無獨有偶，喺立法會表決政改方案當日，轉軚支持政改方案嘅白鴿黨主席鐵頭仁同議員張文光步出立法會大樓時，都畀班「80後」擲水樽。
七一臨近，唔少人都替白鴿黨擔心，點知原來鐵頭仁好有阿Q精神，唔單止話自己完全唔擔心，仲講番上次畀人掟水樽嘅事，話：「潑水好少事啫，涼涼地，冇乜嘢，啲水乾淨嘅。」佢仲話冇乜大不了喎。咁樂觀係好嘅，不過班社運分子激起上嚟乜都做得出，白鴿黨都係小心啲好！