一班唔知係「80後」定「90後」嘅網民，最近喺網上討論區同facebook發起「反公社五人幫、社團廉恥連線」和平遊行，定喺嚟緊嘅禮拜日下晝一點半至兩點鐘舉行，暫定喺立法會集合，然後遊行到社民連辦事處，預計行程約一粒鐘。　

反公社五人幫遊行嘅訊息一出，好快有網民留言，有人好幽默咁問：「有冇嘢食？」「有冇車接送？」「有冇李慧琼做導遊先？」擺明係諷刺啱啱舉行「政制向前走」集會班建制派。其實喺網上發起嘅遊行集會，好多時都係得小貓三四隻，但係你反對人，人反對你，社民連今次都要嘗吓被惡搞嘅滋味囉。