尋日趁佢現身跑馬地馬場擔任「港交所挑戰盃」頒獎嘉賓，捉住佢講吓拍片心得，佢笑騎騎話：「做律師都一定識做戲㗎喇！」呢句話認真可圈可點，令人聯想到大狀余若薇喺「余曾辯」中聲淚俱下發言，搶咗唔少分。到底阿Ron講緊自己抑或係另有所指呢？真係要問過佢先知嘞。

宣傳片搵嚟胡紅玉、梁智鴻、張炳良等人粉墨登場，但就唔見行會成員劉皇發亮相。喺馬場見到發叔，佢為唔拍片解畫：「我哋（行會）有分工合作嘅，我做第二樣嘢，去第二度起錨！」唔做幕前，或者做幕後啩。