周融時事評論員：曾蔭權前段失分太多，而且全程目光不望鏡頭，根本唔知佢同邊個講嘢。

簡炳墀退休冠軍練馬師：曾蔭權唔止係語文有限制，呢個係質素問題，有啲嘢係爛泥扶唔上壁！

周澄「大專2012」成員：曾蔭權不只未有解釋政改方案不清晰地方，甚至迴避余若薇提問，整個辯論只有浮華口號。

網民雲在意俱遲：（曾蔭權）好似學生retest（重考），一早背定model answer（標準答案），點知重考時題目改晒！

網民Vifa：邊有得辯，余若薇企出嚟醒曾生幾倍，搞到曾生成個傻仔咁。

網民R.CHAN：曾生如無舵之舟。

網民ONLY：仲話日日特訓，訓咗啲咩出嚟啊？

羅同學（中三學生）：曾蔭權好悶又無說服力，唔明白佢點解可以做到特首！

陳同學（中七學生）：辯論更加凸顯曾蔭權詞窮，亦反映佢根本無攞個心出嚟為市民做嘢，令我對佢同政改方案更加反感！

徐先生（服務性行業）：曾蔭權喺成個辯論都無畀市民實質承諾，辯論又無設即場觀眾參與，根本就係一場政治騷。

何小姐（醫務行業）：曾蔭權講嚟講去都講唔到重點，佢同政府推銷嘅政改方案都唔討好。