青聯新會址入伙，逾二百位名人齊到賀，除中聯辦主任彭清華外，歷屆主席王敏剛、李宗德，仲有新世界主席鄭裕彤長孫鄭志剛，同埋香港青聯交流基金會主席胡曉明等，場面墟冚。

今屆香港青聯主席阿Rock陳仲尼話新會址面積比灣仔舊址大一倍，面積之大，喺香港青年團體會址中數一數二，標誌住青聯嘅發展踏進一個新紀元。阿Rock心中有連串大計，除咗繼續做政策研究，嚟緊仲會搞多啲活動，旨在同青年人加強溝通。

老實講，青聯新竇月租要三萬銀，開支唔細，好彩有唔少有心人「射住」，做過香港青聯主席嘅全國青聯副主席黃英豪同曾智雄好念舊，分別捐出三十五萬元同三十萬元；阿Rock都帶頭做好榜樣，捐咗三十萬元。