白鴿黨日前講明，如果政府考慮採用佢哋建議嘅區議會變相「直選」方案，佢哋會考慮接受。李漢奸呢兩日就不斷喺公開場合批評自己友，話佢哋唔記得咗終極普選嘅目標，對佢哋好失望。尋日白鴿黨開記者會，被問及李漢奸近日嘅指摘時，副主席「卿姐」劉慧卿忍唔住即時搶咪，怒斥李漢奸從來冇嚟過黨大會，亦冇參與過黨嘅討論，唔應該咁講嘢。

主席「鐵頭仁」何俊仁亦話同李漢奸一齊喺戰場咁多年，講失望就不必嘞，又認為佢唔應該咁易對並肩作戰多年嘅黨友表示失望。佢仲唔點名咁批評李漢奸只識企喺道德高地批評人，對佢哋呢啲做具體嘢嘅人表示質疑，實在好唔公道喎。

卿姐同鐵頭仁擺明係叫李漢奸封嘴，但佢重申唔會退黨，仲話會盡最大努力喺黨大會游說班白鴿仔。咁即係李漢奸會繼續唱黨、賣黨啦！