07/06/2010

播放本新聞相關短片

政情：李運強乖孫改名要夠響

日前講過理文造紙太子爺李文斌一對孖生仔女啱啱出世，正等緊阿爺、理文造紙主席李運強改名。尋日喺馬場見到李運強，佢笑住話佢改名經驗豐富，而呢對孫仔孫女按族譜係「濟」字輩。佢好有心得咁話，改名要計筆畫、五行，最緊要讀起上嚟夠響。咁會唔會搵堪輿師傅幫手呢？佢話唔排除呢個可能性。

講到對呢對孖孫嘅期望，佢同天下嘅阿爺一樣，只希望佢哋快高長大、健康快樂、聽教聽話。有孫萬事足，李運強愛駒「包裝之友」尋日跑包尾，佢都一笑置之，話有輸有贏好平常啫！