施子清走進書法大門，原來多得母親啟發。佢九歲喪父，與媽媽及同年僅五個月大嘅妹妹相依為命。雖然家貧，但母親常教子女讀書識字，訓話更發人深省：「一個人即使有學問，寫出來嘅字唔靚，就唔匹配。」自此，施子清每日勤練字，家中冇多餘錢買紙，母親就叫佢用水到天台嘅地磚上練寫。

施子清讀小學時，甚至坐車都用手指喺大腿上練字，一練就六十餘年，至今從未間斷。無論工作有多忙，每日都堅持抽出兩小時練字。今日，佢苦練有成，一早已經自成一家。