張文話埃塞俄比亞除咗內戰同饑荒外，宗教、文化同歷史建築亦好出名，佢哋一行人喺二月十四號晚、即係大年初一兼情人節，去咗埃國一個偏遠地方，當地冇花舖又冇糖果店，但張文一早安排喺埃國首都空運玫瑰花、朱古力同紅酒畀佢哋，結果高達同甘威嘅太太讚到張文天上有地下無，大嘆自己個老公唔夠細心同浪漫。

咁都未算，張文同高達都係紅魔鬼曼聯嘅忠實粉絲，旅程中撞正曼聯對AC米蘭呢場大戰，張文又早喺出發前同當地酒店講明，使幾多錢都要睇呢場波，最後酒店喺大堂裝個超級大螢幕直播呢場賽事，認真夠豪！