Lydia回歸前曾做過廉署投訴事宜委員會主席，同廉署有好深淵源，亦曾經就廉署人員嘅操守同誠信問題提供過唔少意見，近年Lydia雖然長居英國，但不時都會返香港開吓會同見吓朋友。唔講唔知，啱啱過咗去嘅禮拜日，係Lydia七十歲生日，佢返香港慶祝生日後，尋日就去咗北角廉署大樓參觀。

湯顯明亦好識做，唔單只同Lydia去香港會食飯，出入時仲幫對方開車門。Lydia尋日一襲春裝好典雅，睇上去仲後生過年過六十嘅湯顯明。