女被告曾卓詩及男被告楊惠明（俱三十八歲），兩人為夫妻關係，否認共四項盜竊罪名，控罪指兩人於○七年在中環蒲公英金石書畫（下稱古董店）內偷竊三幅油畫，女被告另被控於○四年至○五年間呈交十三項虛假支出，偷竊七千餘元。

女被告離職古董店停業

西岸國際有限公司董事吳偉宏自○四年入職，他強調張五常只是該公司顧問，而吳負責管理古董店之開支及「出糧」予女被告，他供稱曾發現女被告有數千元的膳食開支，故質疑她「有咁多午膳、晚膳，但做唔到生意，冇需要」，惟女被告回應「同呢啲客食飯係必須，若唔同啲客食飯，你炒咗我嘞」，結果吳繼續容許女被告申報有關開支。

辯方昨質疑指女被告於任職古董店的四年間「冇賣過嘢」，但月薪達兩萬元，認為她的真正任務是替張打工，「如果古董店冇生意，每年開支成二十五萬元，維持三至四年，冇可能發生」，但吳否認，並解釋「我哋唔識古董嘅嘢，但我哋又想keep住間公司，咪留佢喺度」。吳又補充「如果信唔過嘅人入去，損失咗嘢，唔值得」，而古董店自女被告○八年離職後一直沒有開門營業。

辯方又向吳展示一系列女被告的開支文件，內容有「搭的士去教授屋企」、「運油畫」、「張太要求報紙」、「幫教授攞嘢拍賣」等等，認為「教授」及「張太」乃張五常夫妻兩人，吳稱不清楚，又解釋「內地有好多教授幫公司做顧問」。辯方又指，由於女被告於○八年與張鬧翻，故此張指使吳及公司行政總裁簡浩明報警，惟吳表示是經董事局開會後才報警。

案件編號：DCCC 868/09