未明確表示可否續賣

政府消息人士指出，海關稍後將研究發牌予免稅店時如何加入限制售賣免稅煙，由於不少免稅店可賣酒類飲品，認為對業界影響不會太大，但卻未有明確表示到底免稅店是否可續賣免稅煙，只說：「嚴格嚟講，市民買咗包煙後食一支或掉一支先入境係無問題。」

有獨立經營的免稅店負責人憂慮，政府既表明不准免稅煙入境，最終不會容許免稅店續賣免稅煙來誘人犯罪。據悉，有極少數入境免稅零售店一直只賣煙不賣酒，新政策等同逼他們結業。

本報記者昨午到羅湖口岸視察，雖然並非過關高峰期，但中港兩地免稅店仍共有近百人「幫襯」買免稅煙。羅湖口岸一免稅店負責人魏先生直言：「我哋開業三十幾年，啲客幫襯都係因為免稅同埋唔會有假煙，如果冇咗，影響都咪話唔大。」煙齡四十多年的嚴先生直斥曾俊華剝削煙民權利，「連三包免稅煙都唔畀人帶，非常唔合理。」