【本報訊】預算案大花公帑，但非領綜援的基層市民卻無緣分一杯羹，梁女士一家三口居於深水埗一百呎套房，每月只靠任職管理員的丈夫五千元薪金維持全家生活，支付一千七百元租金後，生活十分艱難，她失望地說：「咁多年政府退稅、免電費、綜援出雙糧等等扶貧紓困措施，我哋呢啲『幾無』家庭通通冇份，政府幾時先會幫吓我哋？」她質疑政府忽視「幾無」人士，任由自生自滅！
梁女士每年均持雙程證來港多次照顧三歲的女兒，每次只能逗留三個月，申請單程證來港家庭團聚已三年，至今仍在輪候中，來港無期。「我唔做得嘢，想幫補吓屋企都唔得，依家一家三口都喺度捱日子。」
坦言早對預算案無期望的梁女士續說，丈夫寧願自食其力亦不願申領綜援，雖然租金包水費及電費，但生活仍然捉襟見肘，「我哋邊有機會大魚大肉，但點慳都只會慳大人唔慳小朋友，佢一病就會帶佢睇醫生，我哋冇乜嘢大問題都係食成藥就算喇。」
女兒將於今年九月入讀幼稚園，她計劃報讀全日制幼稚園，希望獲得較高津貼資助。「我只希望小朋友第時返幼稚園可以全免學費，同埋快啲批間公屋畀我哋，等我哋唔使捱貴租。」她亦希望可盡快獲批單程證，以便照顧女兒之餘亦可找工作，減輕丈夫負擔。