東方報業集團自從設立on.cc旗艦網站之後，深受市民歡迎，舊年推出Money 18網上免費即秒股票報價，就更加受追捧。家陣再接再厲提供手機免費即時新聞服務，全城拍爛手掌！

咪以為太一叮王婆賣瓜，好多立法會議員都話on.cc嘅資訊快靚正。請睇，資訊科技界議員譚偉豪拎住部iPhone篤篤吓，睇得不知幾入神。佢嗰日一收到風，就發揮IT人本色，下載on.cc即時新聞程式，仲大讚程式簡單清晰，即時新聞夠晒update，仲夠晒準確添，總而言之，就係一個「盞」字。

哈哈，IT豪真係IT豪，不愧係識貨之人，報章銷量全港第一嘅東方報業集團擁有強大嘅編採隊伍，on.cc報道不嬲迅速準確，仲提供好多圖文聲並茂嘅獨家新聞，直情正到冇得頂。

好似舊年九月，獨家報道情歌王子曹格喺街頭襲擊歌手側田嘅短片，就成為城中熱門話題。另外，直擊觀塘撞胸賤男惡行嗰單新聞，唔單止引起社會關注，仲幫警方迅速拉到疑犯。咁嘅新聞，邊個唔爭住睇呀？

唔講你可能唔知，香港有啲傳媒成日吹水唔抹嘴，話自己有幾多獨家料，其實都係抄on.cc嘅即時新聞咋。

on.cc用咁正嘅新聞提供便攜式資訊，即時報道、即時上載，令讀者衝破時空限制，掌握第一手資料，點會唔受歡迎呀？

就算你係買菜師奶，得閒炒吓股仔，亦可以透過on.cc嘅手機即時新聞，隨時隨地掌握市場最新變化，所以連師奶都可以一邊行街市一邊炒股，投資者真係「一機在手、處變不驚」。俗語有話，時間就係金錢，有on.cc手機即時新聞就可以慳時間，賺更多錢。

東方報業集團長期扎根香港，同市民同呼吸共命運，喺市民支持下愈嚟愈壯大，多年來一直穩居報章銷量一哥地位。依家回饋市民，免費提供手機資訊，將更加拉近同市民嘅距離。東方報業集團將一如既往，全心全意為市民服務。