已故華懋集團主席「小甜甜」龔如心遺產爭奪案仍未有判決，但一啲都冇影響主角陳振聰同太太譚妙清行街尋樂嘅興致。尋日下晝約四時半，佢兩公婆相約兩名女友人逛國金商場，全程有一名保鏢沿途護駕，都幾引人注目。
陳太喺意大利星級鞋履名牌左試右試，老公間中都畀啲意見，陳太好快就買到心頭好，笑住抽着戰利品離開。之後佢哋轉戰附近嘅電話舖，但最終冇買到嘢。跟住陳振聰一行人離開時見記者影相，即刻笑笑口咁話：「你哋咁叻嘅！咁都畀你哋影到。」問佢買咗乜嘢，佢就話：「我只係同老婆行吓街啫。」講完一行人就搭
離開。
近排陳振聰兩公婆行事轉趨高調，本月中陳太同朋友去紅館聽「寂寞男人」庾澄慶（哈林）嘅演唱會，而陳振聰就開咗個萬元「壽司宴」。