中央拍板十年內將海南打造成免稅天堂，聽聞仲可以玩埋博彩添，海南來勢洶洶，擺明就係睇住香港同澳門嚟打啦。不過大家又唔使戥澳門擔心喎，人哋嘅特首受到高度讚揚，又有東方拉斯維加斯之稱，唔想玩兩手咩，又可以去攞正「世界文化遺產」牌嘅舊城區行吓，食吓葡國菜，乜香園乜香園買手信買手信，不知幾咁過癮呀。

但係我哋香港就危危乎囉，孖曾治港嘅政績有幾好都唔使多講，能力係其次，連運仔都冇，你睇吓嗰個鬍鬚財爺吖，次次上京前都好多阻滯，上次就話心臟有事，呢次竟然搞到北京冰封，黑仔成咁，點靠佢呀？計我話，掟呢兩條友去天涯海角，香港就有運行嘞。

網友觀點...X）...

[　C@@L　]

嘩，又多個地方玩，梗係好啦，有得賭又有海灘，度假天堂呀。

[　傻　B　]

開埋博彩，咪搞到海南烏煙瘴氣囉，唔好搞佢好喎！

[　AH強　]

加埋海南，咁香港就輸晒啦，仲邊有人嚟香港玩呀，煲呔曾快啲諗吓計仔啦，輸幾條街喇。

[　Hilda2148　]

趁海南仲未變身，等我去多幾次先，唔係遲啲連個海都見唔到呀！

網址：www.sunsiupak.blogspot.com

阿豪觀點：打造口水港無懼競爭

成日話香港旅遊業面對嚴峻挑戰，唔好以為淨係講緊新加坡、上海等老對手，原來海南都急起直追喇！國務院日前公布為海南未來十年發展訂下六大戰略定位，包括旅遊、體育博彩等，應有盡有，睇怕除咗全球暖化水位上漲令海南島沉沒之外，香港都幾難應付到挑戰咯……

咦係喎，香港都係一個小島，如果海南島畀海水淹沒，香港都一樣冇運行咋喎。講真吖，香港人又真係唔恨得咁多，你話香港冇發展大計就話啫，海南有六大戰略定位，香港多佢四個，有齊十大建設啦，但咪又係齋talking……計豪伯話，香港如果銳意發展成「口水港」嘅話，就肯定無懼競爭嘞！

網友觀點...X）...

[　大陸勤　]

咁好景？香港人投資海南咪得囉，賺人仔！

[　傻　仔　]

多錢嗰班就話可以投資內地啫，咁香港小市民點算？

[　無名火　]

香港有議員開拖表演，呢個節目應該吸引到大陸人啩……

[　長琪良美　]

好多年前都有人提議過喺香港起賭場啦，阿爺唔畀之嘛！

網址：www.lukchiho.blogspot.com