本港虐老問題愈嚟愈嚴重，為咗令長者晚年活得更豐盛，養和醫院院長李維達醫生尋日以家族名義捐出一百五十萬元，成立「香港中國婦女會李樹培夫人啟知中心」，等長者有個地方讀吓書。李醫生尋日拖埋哥哥李維文、姐姐李宛群為中心開幕主禮。
問李醫生養和會唔會加快擴充呢？佢話「睇清楚先」，皆因起醫院易過借火，請醫護人手反而難過登天。
跟住李醫生講到火都嚟埋，話多次向食物及衞生局局長周一嶽要求增撥資源培訓醫護人員，點知政府一味話冇錢，佢狂呻話：「想問佢（政府）攞間課室、宿舍都話冇。」用佢嘅話講：「政府完全冇理過我哋。」
