田少下晝四點半入場，七點幾睇到一半就要提早離開，希望佢睇到偶像、美洲隊女球手「大威」V威廉絲出場啦，事關佢睇好大威會捧獎。身兼香港網球贊助人協會行政委員會成員嘅田少，已向政府建議喺維園原地重建容納到八千人嘅網球場，希望如願以償啦，到時香港就可以舉辦更加高質素嘅網球賽嘞。

有乜生日願望呢？田少話希望流感消退，經濟好番，打工仔有人工加，而本身係萬泰控股主席嘅田少就以身作則，會加公司員工人工，平均幅度仲肯定會高過通脹添！