趁住呢段聖誕節同新年假期，中策集團主席馬時亨同太太王培琪、大女露明飛去北京，探望正喺清華大學修讀課程嘅細女露玲，一齊歡度一個白色聖誕。但白色聖誕背後係有代價嘅，點解？肥亨話北京氣溫一直持續喺零下十幾度，凍到佢騰騰震，但可以一家人齊齊整整過節，都係值得感恩嘅。
話說肥亨出發去北京前，都不忘各方好友，特別送上台灣江記老店嘅香脆杏仁豬肉紙，當做聖誕禮物，仲話早前去台灣試過呢隻豬肉紙後，真係令佢一試傾心，簡值係食到不能自制喎，差啲影響減肥大計。
回顧過去一年，肥亨過得好充實，除由高官搖身一變成為大學教授外，又主持電台節目同年輕人分享人生經驗，仲做埋中策集團主席添，當然唔少得做運動keep fit啦！