31/12/2009

播放本新聞相關短片

政情：梁卓偉外公係英國人

食物及衞生局副局長梁卓偉尋日喺電台節目談及佢嘅身世，原來佢有四分一英國血統。梁卓偉嘅英文名叫做Gabriel Matthew Leung，佢外公係自細喺香港長大、操流利廣東話嘅英國人，而Gabriel嘅爸爸喺跨國電腦公司做行政工作，所以佢喺加拿大、英國同香港等地方都讀過書，同時令佢練就一身交友功夫。

Gabriel小時候嘅「我的志願」係醫生，但佢喺於政府學校教音樂嘅媽媽影響下，想喺大學修讀藝術或音樂，但爸爸反對，於是佢表面上報讀醫學院，私下則報讀音樂學院，無奈醫學院真係取錄佢，惟有乖乖就範。