老公靠大膽追得美人歸

晏紫全程配合老公，穿着簡潔婚紗，配上鑽石耳環、頸鏈同鑽戒，未見大晒行頭。李公子喺婚宴上怕怕醜醜，但原來佢追女招數非常大膽，初次約女方食飯時已大膽示愛，點知晏紫大派檸檬，明言「對不起，我不想找商人做男友」，嚇到佢呆咗，亦因此認定晏紫唔貪錢，追得過，於是發動追女攻勢，化身做綽號「愛要執着」嘅小粉絲，不停喺晏紫網誌上留言，呢吓「骨痹」舉動令伊人冧到極，一年後開始拍拖，仲開花結果添。

由於男家係福建富商，分屬同鄉嘅全國政協委員盧文端亦有到賀，原來佢由細睇住新郎哥大，見證對方抱得美人歸。

立法會議員陳克勤都有份飲喜酒，佢自爆大學參加聯校活動時認識新郎哥嘅兄長，彼此同屬福建人，友情維繫至今。