爆中國女排大手掃貨

近年有人高呼保護動物，掀起反皮草風，但內地豪客仍趨之若鶩，李鋈麟話中國女排舊年訪港期間，喺店內掃咗八十幾萬皮草，買到幾乎碌爆卡咁滯。

吼準內地人使得起錢嘅心態，李鋈麟早前打造咗一件鑲滿十七點八卡鑽石嘅藍寶石水貂皮草，叫價高達二百八十萬人仔。以一層樓嘅價錢嚟買一件皮草，值唔值得，就見仁見智嘞。

不過，皮草市場確係百花齊放，嚟緊三月，李鋈麟聯同一班英國設計師推出全球皮草回收大行動，喺中港同歐洲各地發起回收舊皮草並「拆骨」，重新縫製成八款新裝，一於用得唔好嘥。