呢個團體嘅資深項目主任張韻琪尋日出席一個公開論壇時，批評政府未就氣候變化訂立具體嘅減排二氧化碳指標，就喺明年底主辦「城市氣候峰會」，咁係非常不自量力同荒謬，仲話：「乜都冇做，想同人分享乜嘢減排經驗呢？」咁都未夠，佢又嘲諷環境局：「對減排一啲貢獻都冇，唔好獻醜啦！」

環保觸覺主席譚凱邦認為，除電廠外，本港部分上市企業嘅碳排放問題亦嚴重，建議政府針對股票市場，設立減碳排放嘅監察制度。

唔知係政府心虛吖，定係環境局局長邱騰華怕畀班環保團體兜口兜面鬧到冇聲出，環境局竟然冇派人出席論壇，即刻惹嚟與會各環保團體不滿，認為當局冇決心解決碳排放問題。