尋日開賽冇耐，霍公子接受傳媒訪問時，就心情大好咁話港隊難得打入決賽，坐亞望冠，點知話口未完，日本隊旋即射入第一球，訪問中嘅霍公子亦目瞪口呆，神色凝重起嚟。下半場霍公子又一次喺傳媒面前經過，仲話希望港隊創造奇迹，兩分鐘後，港隊即刻扳平，最後更憑十二碼勝出。霍公子之後擔任頒獎嘉賓，佢將金牌掛喺港隊成員頸上時，可能自己仲開心。