當年有傳膝下猶虛嘅小甜甜有意向育有兩子嘅龔仁心過繼一個，最後雖然冇成事，但做唔成「母子」，兩姑姪嘅感情睇嚟仍然唔錯，否則龔皓都唔會學成後返華懋幫手做IT，搞電腦資訊科技嘅工作啦。佢個婚禮仲揀咗喺自己地方—荃灣嘅如心海景酒店度搞，相信姑媽見佢成家立室都會好高興。

組考察團訪內地

至於爸爸龔仁心，之前就同老友、台灣定航聯運董事長王天一，仲有景民基金董事長耿志遠，去咗福州、寧德同莆田等地考察。

今次佢哋一行十三人組成嘅兩岸三地海西投資考察團，參觀咗當地嘅投資環境、政策同重點招商項目等，之後考察團仲同莆田巿政府草簽咗一份「湄洲—台中海峽快速通道」添！