依家坊間有幾個疑似下屆特首參選人，其中之一嘅行政會議召集人CY梁振英，喺民望調查中一直跑輸畀另一位疑似特首參選人政務司司長唐唐。不過CY似乎一啲都唔介意，佢喺最新一期中大新聞與傳播學系實習刊物《大學線》嘅專訪中，仲用咗龜兔賽跑嘅故事嚟做比喻添！
CY強調自己嘅成功條件係唔怕蝕底，仲話世人睇咗龜兔賽跑故事，覺得故事係教訓兔仔唔好驕傲；但佢就覺得，其實係提醒烏龜，因為喺呢個世界上，烏龜必定多過白兔，只要有毅力，「烏龜一步步行，終有一日會勝過白兔。」
呢句話真係可圈可點。唔通CY自比烏龜，最終會跑贏？唔怪之得佢喺過去一年無論大小場合「通殺」爭曝光啦！