杜拜危機影響有限

記者會一開始已講明先講份研究，但問咗兩、三條問題，有財經記者按捺不住用廣東話問杜拜危機，鄭大班即刻以笑帶過，用英文答話：「我認為海港重要過財經好多。」將注意力轉番去大會主題，又唔使令在場外籍人士聽到一頭霧水，同時又好識做咁安撫記者話：「不過我一陣都會答財經問題。」

無論傳媒點旁敲側擊，鄭大班點都唔答究竟杜拜危機令滙豐有幾多損失，只重申滙豐早兩日發嘅聲明，同強調唔可以評論客戶情況，仲反問傳媒：「講得難聽啲，你有問題都唔想銀行同第三、四、五者講啦！」佢又話世界經濟未穩定，所以巿場波幅一定大，但長遠唔信今次嘅單一事件會帶嚟好大問題，大家可以放心。