29/11/2009

播放本新聞相關短片

政情:曾德成卸定東亞運隻鑊

東亞運動會仲有一個星期就會揭幕,呢次係香港首次舉辦大型國際性綜合運動會,可惜籌備期間已經爆出宣傳不足、場地差劣、項目難產、同選拔不公等醜聞,開頭已經咁爛,收尾唔慌好得去邊。民政事務局局長曾德成尋日話賽事成功與否,完全視乎港人嘅參與程度。呢招將失敗責任推畀七百萬香港人嘅乾坤大挪移明顯係卸責。

德成局長尋日喺《香港家書》話全民投入同參與係成敗關鍵,但政府統籌能力差,場地咁多問題,東亞運都難免一鑊粥啦。到時係咪香港蒙羞,唔關政府事呢?