尋日共有五十四個團體共二千四百多人到場參觀，大部分係學生，佢哋除咗參觀會議廳、記者室外，仲可以參觀平時議員休息嘅前廳，及立法會主席嘅辦公室等。

咁多景點中，參觀者最鍾意議員座位，好多市民一入到會議廳，就霸咗個議員議席嚟坐，劉健儀同立法會主席深明佢哋嘅心理，即刻解釋平時嘅運作係點，參觀者又扮議員試吓投票添，唔少人都話好新鮮。