【本報訊】基新中學在警方一次臥底行動中疑因警方「漏招」，連累該校校名大曝光一事，在網上引起廣泛討論，有不少網民直斥警方為邀功「放料」給傳媒，亦有指此事令市民對警方失去信任，日後難再有學校肯與警方合作。網民「tt2630」更對聲稱徹查事件的警方抱放棄態度，留言指「你哋又叫差佬自己查自己，上兩單——遊船河、拍拖照都無晒影。」
網民「superboy987」亦指，「依家都未上court，同校學生已經畀輿論老屈，以後其他中小學有事仲敢搵差佬？點知又會唔會畀人過多兩戙？」聲稱有家人在該校就讀的網民「terces」就直斥警方，「領功領唔切，連最基本的保密承諾也做唔到……捉咗個小拆家就高興到飛上天」，他不忿校名「就咁畀佢（警方）整臭晒」。
網民「hang00000」自稱是該校學生，聲稱知道臥底是誰，「佢個樣真係好細個，我直頭覺得佢似十二歲……真係諗都冇諗過喺報紙見到我學校。」網民「喪盡天良」亦大爆，「我兩個月前去剪頭髮，聽到個十幾歲o靚妹同個髮型師講佢中學有臥底同佢扮fd（老友）。」