林鄭月娥回應閃縮

至於被沙田地政處指稱涉及法律訴訟的大圍古巖淨院，地政總署拖延多日仍未能明確交代其骨灰龕業務是否合法經營。地政總署對私營骨灰龕懷疑違規執法態度曖昧外，發展局局長林鄭月娥昨日亦表現閃縮，她出席香港綠色建築議會成立典禮後，只稱會將事件交地政總署回應，傳媒再三追問下，她才補多一句：「一定會支持地政總署進行地契的執法工作！」但對是否預計要就「人類遺骸」定義與私營骨灰龕營辦商對簿公堂，仍舊充耳不聞。

釋意超昨日表示：「喺一九二八年，仲係英政府嗰陣我哋已經買咗塊地嚟擺㗎啦，有咩理由依家先話有問題？政府正一見錢開眼、冇嘢搵嘢做！」他強調，禪院早年申請火化遺體亦獲政府批准，火化後遺留的骨灰亦獲准存放禪院內。「如果話唔畀擺，咁化咗嘅骨灰擺去邊？唔通揼落大海？」他又透露，禪苑早在三、四年前已提出申請改地契條款，但政府一再拖延未處理，他無懼終要透過法律途徑解決。

同被指涉違反地契條款的還有古巖淨苑，釋意超身為淨苑創立人兼前住持，他憶述建築物落成時曾有地政職員親往視察：「佢哋當時都點晒頭話冇問題！」