陳繁昌話，三三四學制為大學帶來挑戰，呢次校園發展計劃可以增加教學及學生住宿設施，為將來招收更多學生作好準備。呢個新校園佔整個科大校園面積的一成半，亦是科大建校以來最大規模的擴建工程，新校園總面積達一百萬平方呎，背山面海環境優美。建築群包括商學大樓及高等研究院大樓，起好之後，將為工商管理學院及創新科技管理學院教學之用。

久未露面嘅科大副監督大Sir鍾士元亦有出席動土儀式，尋日市區溫度低到得十二度，科大更只有九度，一眾嘉賓要喺寒風中舉行動土儀式，已屆九旬嘅大Sir行動已見不便，但佢都堅持出席儀式，足見對科大好有心。