佢前晚去南蓮園池出席一個活動，見到園內嘅唐朝式庭園，佢透露都有睇近期熱爆嘅唐朝背景電視劇《宮心計》，仲對劇中嘅華麗服飾印象深刻，但由於工作忙，唔能夠集集追，所以都唔係幾留意劇情。其實，呢類劇集專講勾心鬥角，官場中人畀時間睇吓，可能有收穫都未定㗎。

佢當晚係專程去睇崑劇，事緣南蓮園池今年再邀請台灣蘭庭崑劇團嚟演出，崑劇喺二○○一年成為首批由聯合國教科文組織評選為「人類口述非物質文化遺產」嘅代表作，許曉暉睇完之後，大讚演員嘅功架。啱啱獲公開大學頒授榮譽院士嘅潮屬社團總會名譽會長高佩璇，都有去欣賞當晚嘅表演。