尋晚七點幾，赫然發現方舜文同田少雙雙步出酒店(圖)。千祈咪誤會，佢哋冇特殊關係，只係敍舊啫，皆因方舜文遞信嘅消息震驚旅遊界，田少都係睇到報紙至知。為免外界有太多揣測，方舜文索性約田少飲茶，直接交代辭職原因。

問方舜文因乜事走得咁快，佢以笑容作回應，一切盡在不言中；田少聽完「解畫」，就話一切都明白晒。