日前路經洪水橋附近嘅大發餐廳，點知發現全國政協委員容永祺同太太喺度歎下午茶，飲奶茶之餘仲歎咗個豬扒包，點知一食就停唔到口，喺餐廳老闆彭敬威介紹下，再點幾味招牌菜，包括龍蝦伊麵、炸生蠔、炸白飯魚同揚州炒飯。兩公婆愈食愈滋味，估唔到歎下午茶變咗食晚餐。容永祺話估唔到喺茶餐廳都有龍蝦食，食咗咁多，惟有速速去會所游水，瘦身去也。

富貴黨區議員「哪吒」方國珊早前亦曾慕名去幫襯「隱世奶茶王」，兼為茶餐廳打氣。哪吒話依家中小企經營艱難，好似大發餐廳呢類發迹個案少之又少，所以政府要諗辦法刺激市道，茶餐廳至有生存空間。