英女王外孫女、安妮公主女兒Zara Philips正展開亞洲之旅，呢幾日訪港行程緊密，佢尋晚就同兩名女伴到訪快活谷馬場觀賞賽事，有數名保鏢喺遠距離保護。Zara步入馬場，行到沙圈外圍逗留咗一陣，直至九點三第五場開跑時至離開。據悉，馬會事前未獲知Zara會光臨，故冇安排傳媒採訪，亦唔見佢有特別多嘅隨從前呼後擁。
貴為馬術三項賽世界冠軍嘅Zara，○六年獲英國廣播公司（BBC）選為體育界風雲人物，並憑住佢卓越嘅馬術成就，喺○七年獲頒發大英帝國勳章，所以她今朝訪問薄扶林公眾騎術學校時，會分享佢作為世界級馬術運動員嘅經驗，屆時馬會主席陳祖澤同英國駐香港總領事奚安竹會陪同出席。
