原來Miriam呢味炆牛尾只係煮過畀媽咪食，呢次只係跟住食譜煮，但煲牛尾色香味俱全，完全唔似係初哥出品。

Miriam話要牛尾炆得又香又腍係有秘訣嘅，首先煎一煎牛尾，等佢出咗油先再炆，咁就冇咁肥之餘又易腍啲。另外佢仲加咗西芹、紅蘿蔔、少少咖喱粉、喼汁、薑葱粉、黑橄欖同香草葉等，令牛尾食落更好味。

呢煲牛尾十五分鐘就被掃清光，可見Miriam嘅手勢一啲都唔差，就連「肥仔明」李華明路過都畀香味吸引，食埋一份。肥仔明大讚Miriam炆得入味又冇落鹽，啱晒血壓偏高嘅佢食喎！