陳偉業

佢明顯將責任推到傳媒身上，自己管治到一塌糊塗，梗係削弱市民對政府嘅管治信心啦！

黃毓民

曾蔭權抹黑別人還自己「清白」，回應只為發洩情緒，啱聽就唔係別有用心，唔啱聽就係別有用心，佢要企出嚟交代。

劉慧卿

乜都冇解釋就鬧人一輪，依家係政務司司長話佢開會時提過（親戚買雷曼），仲唔止一次，佢係話司長無中生有？

李永達

對曾蔭權無交代事件詳情就抹黑傳媒感到遺憾，佢為其他官員樹立壞榜樣，以為有人質疑你，鬧人就得，擔心佢再咁樣落去可能會思覺失調。

何俊仁

特首唔應該發脾氣，更唔應該惡言相向。

余若薇

曾蔭權大話講得多，成日出爾反爾，先令市民對政府不信任，佢應該反省並作出檢討。

葉國謙

單純講感受，無助市民得到呢方面嘅感覺，佢應該心平氣和講個情況出嚟。

王國興

作為特首應理性地作出交代，曾蔭權應公開澄清事件。

葉劉淑儀

曾蔭權嘅言論太「戰鬥格」，回應對事件無補於事，反令他與傳媒關係變差。