其實唔少中小學生上體育堂都要做呢個「坐地前伸」檢查，方法係喺地下放個有厘米尺的木箱，測柔韌度嘅人就要伸直晒對腳坐喺木箱前，對腳頂住個木箱，然後將雙手伸前，試吓最遠可以掂到幾多厘米。小朋友就話冇難度啫，但金刀梁年紀大，腰骨硬，伸到盡晒都係啱啱好掂到個木箱邊緣，要掂到把厘米尺仲差一大截。

講真，金刀梁已經七十歲，話條腰柔軟到可以掂到腳指尖你都唔信啦！難得嘅係佢唔怕醜，做「白老鼠」畀人舞來舞去都冇所謂，只係對自己柔韌度咁差好慚愧。