兩公婆喺一個農村家庭住咗一日，阿松除要幫手捉魚，仲要受短暫夫妻分離之苦。原來呢家人間屋之前被暴雨沖塌，所以男戶主要喺魚排上嘅屋仔瞓，佢嘅經歷令阿松非常感慨。

小伏降格做一日農村家庭女主人都唔輕鬆，晨早起身就划木艇送小朋友返學，仲要擔水洗衫、落田摘菜同曬鹹魚，單睇行程都知佢一定忙過平時打理家頭細務，但佢一啲都冇詐型，仲話呢個體驗好值得佢學習添！