賽馬會為慶祝一百二十五周年，早前喺將軍澳搞咗個展覽，身為西貢區ADO（民政事務助理專員）嘅賀穎君當然有份獲邀出席，睇落都屬於官場靚女。經過明查暗訪，原來賀穎君舊年先喺中文大學新亞書院畢業，主修日本研究學系，據聞佢今年初先加入政府做政務官，而佢第一個服務嘅部門，就係依家嘅西貢區民政事務處。
有政界中人爆料話，發覺近年有一個情況，就係民政事務專員都會由一啲年紀有番咁上下嘅男士做，貪佢哋夠兇、夠惡，能夠喺處理地區問題嘅時候發揮講數作用。至於不時出席區議會、直接同地區人士接觸嘅ADO，就會搵番一啲睇得吓嘅後生女做，無非都係懷柔政策。但講到尾，做官絕唔能夠單靠樣，做得好唔好就要時間證明嘞！
