報稱經紀的被告劉國強（四十三歲），被控今年八月六日在旺角洗衣街近亞皆老街危險駕駛電單車。被告日前欲承認一項危險駕駛罪，但裁判官認為控方未能證明電單車駛上行人路時有途人，難以定罪，將案延至昨日再處理。

裁判官馬保華昨直言若控方仍然未能證明事發時有行人，而被告只以五公里的車速駛了七至八米距離，似乎難以構成危險駕駛罪名。

押後開審找尋「真相」

惟控方聲稱，翻查短片之後，發現事發時的確有兩名行人經過現場，堅持繼續檢控，但被告聞言後隨即反駁：「我肯定無，好老實，如果有人我唔會駛上去。」

鑑於控辯雙方各執一詞，法庭遂將案押後開審，以找出「真相」；馬官並指，即使短片拍到有行人，亦要視乎行人的背向、與電單車的距離等：「如果架車喺街頭，行人喺街尾咁又算唔算危駕呢？」

之後案件轉交另一裁判官陳錦昌排期，陳官質疑被告的「無行人論」：「嗰度係洗衣街喎，無一分鐘係會無人喎！可能凌晨三點會有幾分鐘無人嘅，但依家你講緊係夜晚七點幾！」

惟被告堅稱：「好肯定係無行人，我視線範圍無」，陳官即時回應：「你視線範圍係兩呎呀？」被告最後無奈表示：「第一次應訊時，控方又答唔到有無人，今日突然間又話影到有人，我都唔知點？」

案件編號：KTCC 6652/09