香港中華總商會會長蔡冠深呢排相當忙碌，早幾日喺山東睇完全運會開幕返嚟，一落機就要趕去皇朝會出席全國政協副主席鄭萬通嘅訪港飯局，尋日又要忙中總嘅十．一特刊發布會，跟住又趕去睇會址嘅裝修進度。
無論幾忙都好，蔡會長都有留意時事，尤其佢係做廠出身，對於工廈可以改變用途嘅新聞都會
實，不過佢就申報利益，話自己無擁有工廈，亦無意買入。
講番全運會個開幕式，蔡會長話今次係跟中總考察團去睇，佢話雖然全運會比唔上奧運會嘅開幕，不過相當好睇，尤其是其中一Part有一個好似大碗咁嘅背投幕牆，將泰山移到眼前，令佢印象最深刻，覺得依家國家科技好犀利，單單一個山東省都將開幕式搞得咁有聲有色，證明國家有人力又有財力！
