網民「得閒人」亦將曾蔭權與董建華作比較，指「曾蔭權嘅衰嘢都唔係第一單啦，總之一蟹不如一蟹，老董懵懵懂懂為市民，真係做多錯多，曾特首精叻捉蟲為自己友，死蠢。」

「擔心佢嘅處事能力」

網民「康少」則指，「就算特首真係無想過利益輸送，但佢回答佢無察覺到咁嘅情況下，會有嫌疑會引起別人思疑，第一，我好擔心佢自己個人嘅處事能力……第二，真係唔知過往有幾多次佢因為唔小心而發生過類似嘅事。」

也有網民為推廣節能照明向政府獻計，「catjoke」指出，「真係想慳電，學內地嘅方法。佢哋感應有人才開燈十至十五秒，無人就自動關燈。大部分樓宇嘅樓梯都係咁設計，突然見到有地方唔尋常咁着燈仲可以要保安去巡吓。現時大部分公屋門口有大閘嘅，其實凌晨三點後關掉部分燈都可以啦，用唔着。」