早知曾蔭權親家賣慳電膽？

環：業界內外好多人都知，邱騰華冇理由唔知老闆（特首）親家做乜嘢生意。

邱：我事前唔知，考慮政策時呢個唔係考慮因素，牌子對我哋冇意思。

收到環評會來信應醒覺問題？

環：由於在調查階段，信中無提及曾蔭權姻親嘅名，但清楚問到政府採購飛利浦燈泡百分比，政治敏感度夠嘅人應該醒覺。

邱：七月同九月係收到環評會信件，但信中嘅利益輸送係講環保園，我哋畀咗答覆。（有冇任何特首親家字眼？）我冇見過。

飛利浦燈膽佔政府高採購比率？

環：查證過程見到政府用好多飛利浦燈膽，所以去信政府問，但冇回覆，評議會認為佔三成已算多。

邱：我自己冇去睇過，我相信唔係事實，採購係公開、公平嘅過程。