17/10/2009

播放本新聞相關短片

政情:張建東怕樓市現泡沫

本港造出七萬蚊一呎嘅天價豪宅價後,成為全世界樓價最貴嘅地區,不過,行政會議成員、前中國及香港畢馬威會計師事務所主席張建東,就認為呢個世界第一攞唔過,仲批評豪宅樓價簡直貴到離晒譜。

年半前購入中區豪宅「堅麗閣」自住嘅張建東話,佢買物業時,當時呎價都係一萬蚊鬆啲,但依家竟然有豪宅炒到七萬蚊一呎,確實貴到離晒譜,連呢個國際知名會計師事務所嘅主席都講笑話:「我梗係買唔起啦,買一百呎就得!」

佢仲話,雖然唔係所有樓都做到咁高價錢,但單一天價會令人有錯覺樓市好好環境,一窩蜂入市高追,形成樓市泡沫。張建東呢個講法,簡直摑咗煲呔曾一巴!