金刀梁話後生嗰陣都試過摺紙飛機，所以早前聽到有呢個比賽都不知幾興奮，有問過可唔可以參加埋一份，點知遲咗一步，惟有等下一年啦！佢話摺飛機可以刺激腦筋，掟飛機又可以當做運動，仲可以同啲孫仔孫女研究吓點樣摺飛機，架飛機先可以飛得遠。問佢有冇同啲孫仔孫女摺吓飛機，佢話啲孫都七、八歲，冇同佢哋玩囉。

原來佢最叻係摺紙船，仲即場傳授秘訣。佢話以前成日摺紙船，為咗令隻紙船唔會沉，佢會點着支蠟燭，將啲溶咗嘅蠟滴落隻紙船度，咁樣隻紙船就唔會沉嘞。