網友透過網站發表食評，負責刊登食評的網站也會被牽連。英國曾有案例，一間網站公司拒絕應投訴者的要求，刪除有關涉及誹謗言論的話題，結果要賠償。本港飲食資訊網站為免構成誹謗，每日要親自把關，將名不副實的批評刪走。
食評網站「開飯喇」的創辦人鍾偉民表示，每日至少收到二百個食評，因為香港言論自由，只要食評不構成誹謗，經專人審閱後都會獲得刊登，「我哋等於出版人嘅角色，言之成理嘅食評先至會刊登，但如果啲食客話間食肆有老鼠，因呢啲無法求證，我哋就唔會登，以免影響餐廳嘅聲譽。」
鍾偉民稱，過去亦曾收過食肆東主要求將名不副實的食評刪走，他說：「試過有間食肆連續幾日畀啲食客彈啲羊扒唔好食，之後收到嗰間餐廳嘅東主打電話嚟，話佢間餐廳根本無賣羊。」