本文重點
疑似特首參選人、行政會議召集人CY梁振英近排放下身段，大小場口都見到佢身影，尋日佢去咗香港盲人輔導會總部出席「青光眼No Way」公眾教育同免費青光眼篩查活動新聞發布會，仲粉墨登場即時驗眼添。
CY視力一百個巴仙正常，仲測得出佢冇周圍望兼目不斜視，事緣驗眼時眼珠唔能夠四圍碌，要眼定定向前望至測得準確，個視力報告指佢喺呢方面做得好好，兼且乖乖咁冇亂㩒個測試掣。
聞「有好感」事件即封嘴
向來鍾意發表意見、連g模現象都講嘅CY，聽到記者問起甘乃威「有好感」事件，居然忍得住一句都唔講。
今次CY竟然唔搭訕，可能佢認為呢個問題答乜都唔多好，或者會令人覺得佢太輕佻、太八卦、太道貌岸然，得失男人或者女人都唔好啦。總之，CY忽然嚴肅起嚟，一定有佢嘅道理。