各房人喺院內擁有私人房間後，逗留時間都比港安長，賭王一向愛熱鬧，每日多咗家人喺身邊對病情亦有幫助。三太陳婉珍尋日帶同兒子何猷啟探望丈夫，下晝兩點離開時，三太更以「OK」手勢交代賭王狀況。

二太藍瓊纓就喺下晝四點到達醫院，被追問賭王被指腦缺氧的報道時，佢即時扯火：「癲㗎！邊個講㗎？情況不知幾好。（係咪腦缺氧先轉院？）我腦缺氧佢（賭王）都未腦缺氧！」大房兩名女兒何超英及何超賢亦有出現，超英被問到是否來探望父親時，她說：「我自己都住呢度。」

另外，四太梁安琪以澳門代表團身份出席喺北京舉行嘅建國六十周年活動時話：「何生幾好，轉咗去養和物理治療，（你瘦咗好多喎！）係呀！又要照顧何生，又要參與澳門立法會選舉，當減肥啦！」